ABŞ Prezidentindən   Azərbaycanla bağlı mühüm  QƏRAR   - FOTO
26 may 2022 00:27 (UTC +04:00)

ABŞ Prezidentindən Azərbaycanla bağlı mühüm QƏRAR - FOTO

ABŞ Prezidenti Co Bayden Azərbaycana yeni səfirin namizədliyini irəli sürüb.

Lent.az APA-ya istinadən xəbər verir ki, Prezident Bayden Mark Libbinin ABŞ-ın Azərbaycandakı səfiri postuna namizədliyini irəli sürüb.

Qeyd edək ki, bu ilin iyulunda ABŞ-ın Azərbaycandakı səfiri Li Litzenbergerin səlahiyyət müddəti başa çatır.

Nazir-müşaviri rütbəsinə malik olan Mark V. Libbi hazırda Vaşinqtonda, Milli Müharibə Kollecində çalışır.

O, 2021-ci ilin iyununadək ABŞ-ın Brüsseldə Avropa İttifaqı yanındakı missiyasında müvəqqəti işlər vəkili, missiya rəhbərinin müavini kimi çalışıb. O, müxtəlif illərdə Varşava, Nassau, Nikosiya və Bağdada siyasi müşavir kimi də işləyib.

Diplomat Vaşinqtonda Dövlət Departamentinin Əməliyyat Mərkəzində Böhranların İdarə Edilməsi üzrə Direktor müavini, Mərkəzi Avropa İşləri Ofisində Direktor müavini, Cənubi Avropa İşləri İdarəsinin direktoru və Xarici Xidmət İnstitutunda Orientasiya Direktoru postlarında işləyib.

O, Massaçusetsdəki Tafts Universitetindən bakalavr dərəcəsinə malikdir və həmçinin Parisdəki “Institut des Etudes Politiques” (“Sciences-Po”) da təhsil alıb, həmçinin Milli Hərbi Kollecdə magistr dərəcəsi qazanıb.

Polyak və fransız dillərini mükəmməl bilir.

# 3816
avatar

Oxşar yazılar