BƏƏ Silahlı Qüvvələrinin idarə rəisi Azərbaycandadır
25 may 2011 12:29 (UTC +04:00)

BƏƏ Silahlı Qüvvələrinin idarə rəisi Azərbaycandadır

Lent.az-ın məlumatına görə, Xəlifə Məhəmməd Səni Ər-Rumeysinin rəhbərlik etdiyi nümayəndə heyəti Müdafiə Sənayesi Nazirliyinin müəssisələri ilə tanış olub.

Səfər may ayının əvvəlində Türkiyədə keçirilən “IDEF-2011” X Beynəlxalq Müdafiə Sənayesi Sərgisi zamanı əldə olunmuş razılığa əsasən həyata keçirilir.

Səfərdə məqsəd Birləşmiş Ərəb Əmirliklərinin Silahlı Qüvvələri Baş Qərargahı ilə Müdafiə Sənayesi Nazirliyi arasında əməkdaşlıq yollarının araşdırılması və inkişaf etdirilməsidir.

Nümayəndə heyəti səfər çərçivəsində Müdafiə Sənayesi Nazirliyinin “İqlim” Elmi İstehsalat Müəssisəsi, Elektron Hesablayıcı Maşınlar, “Radioquraşdırma”, “Telemexanika” zavodları ilə tanış olmuş və istehsal prosesini yaxından izləyib.

Səfər proqramının sonunda nümayəndə heyətinin Müdafiə Sənayesi Nazirliyinin rəhbərliyi ilə görüşü nəzərdə tutulur.
# 386

Oxşar yazılar