Aktyor Azər Baxşəliyev dəfn edildi - YENİLƏNİB

Aktyor Azər Baxşəliyev Yasamal rayonunda “Qurd qapısı” qəbiristanlığında dəfn edilib.

Lent.az-ın APA-ya istinadən verdiyi xəbərə görə, dəfn mərasimində mərhum aktyorun sənət dostları, müxtəlif teatr və kino aktyorları, rejissorlar və digərləri iştirak ediblər.

***

saat 11.12

Aktyor Azər Baxşəliyev vəfat edib.

Lent.az-ın xəbərinə görə, bu barədə APA-ya mərhumun dostu, aktyor Elsevər Camal məlumat verib.

O bildirib ki, Azər Baxşəliyev bu gün günorta saatlarında Yasamal rayonunda "Qurd qapısı" qəbiristanlığında dəfn ediləcək.

***

saat 10.01

Dünən axşamdan etibarən həkimlərin səylərinə baxmayaraq, aktyor Azər Baxşəliyevin ümumi vəziyyətində geridönməz proseslər baş verib.

Bu barədə Lent.az-a Azərbaycan Tibb Universitetinin mətbuat katibi Günel Aslanova xəbər verib.

Qeyd edilib ki, poli orqan çatışmazlığı səbəbindən, orqanizm yaşama qabiliyyətini itirib.
Bu səbəbdən Azər Baxşəliyevin valideyn və ailə üzvlərinin istəyi ilə xəstə süni tənəffüs aparatından ayrılıb, bu gün evə aparılır.

Qeyd edək ki, böyrək çatışmazlığından əziyyət çəkən aktyor yanvarın 1-də xəstəxanaya koma vəziyyətində daxil olub. Yanvarın 2-də ürəyi dayanmış, həkimlərin səyi ilə ürək fəaliyyəti bərpa edilmişdi.