Alimlər alkoqolun orta miqdarda qəbulunun ürək, immun sistemi və idrak funksiyalarına mümkün müsbət təsirlərindən bəhs ediblər.
Lent.az xarici mediaya istinadən xəbər verir ki, alkoqolun ölçülü şəkildə qəbulu müəyyən müsbət təsirlərə malik ola bilər. Lakin mütəxəssislər vurğulayırlar ki, söhbət yalnız kiçik dozalar və əks-göstərişlərin olmaması halından gedir.
Alimlərin məlumatına görə, alkoqolun orta səviyyədə qəbulu ürək-damar sisteminə təsir göstərə bilər. Xüsusilə qırmızı şərab “yaxşı” xolesterinin artması və tromb yaranma riskinin azalması ilə əlaqələndirilir. Müşahidələr göstərir ki, şərabın müntəzəm, lakin ölçülü şəkildə istifadə olunduğu ölkələrdə ürək xəstəliklərindən ölüm səviyyəsi daha aşağı ola bilər. İmmun sisteminin güclənməsi ehtimalı da qeyd olunur.
Bəzi araşdırmalar göstərir ki, az miqdarda şərab qəbul edən insanlar daha az hallarda soyuqdəymə ilə üzləşirlər. Alimlər alkoqolun böyrəklərə təsirinə də diqqət yetirirlər. Mövcud məlumatlara əsasən, pivə və şərabın orta səviyyədə qəbulu böyrək daşı xəstəliyinin yaranma riskinin azalması ilə əlaqəli ola bilər. Bundan əlavə, alkoqolun beyinə müsbət təsiri ilə bağlı fikirlər də mövcuddur.
Tədqiqatçılara görə, kiçik dozalar idrak funksiyalarını dəstəkləyə və demensiyanın inkişaf ehtimalını azalda bilər. Bəzi elmi işlərdə qırmızı şərab istifadəsi ilə kişilərdə prostat xərçəngi riskinin azalması arasında əlaqə də qeyd olunur.
İnfarkt keçirmiş və alkoqolu ölçülü şəkildə qəbul edən insanlarda ölüm səviyyəsinin daha aşağı olduğu da müşahidə edilib.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
