Müğənni Rəqsanə İsmayılova Moskvadadır. Lent.az-a açıqlama verən müğənni bildirib ki, yeni ili ölkədən kənarda qeyd etmək qərarına gəlib: “İstədim ki, anam, uşaqlar və orada bizimlə olacaq yaxın qohumlar bayramı Moskvada birlikdə qeyd etsinlər. Artıq bir neçə gündür, Moskvadayam. Bura çox soyuqdur. Dekabrın 28-i isə anam da yanıma gələcək. Beləcə yeni ili birlikdə qeyd edəcəyik”.
Müğənni bildirib ki, onun tezliklə Bakıya qayıtması gözlənilmir: “Ona görə ki, Moskvadan Türkiyəyə gedib, orada hazırlığı bitmək üzrə olan albomumla tanış olacağam. Türkiyə səfərimin nə qədər davam edəcəyi oradakı işlərimlə bağlıdır. Ola bilsin ki, növbəti həftələrdə 1-2 günlüyə Bakıya gəlim”.
Qeyd edək ki, müğənni Moskvaya səfərinin ilk günündə qızı Aysunla alış-veriş edərkən çəkdirdiyi şəkilləri Facebook sosial şəbəkəsində paylaşıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
