Əməkdar artist oğlunu evləndirməyə hazırlaşır

Əməkdar artist Kəmalə Rəhimli ən böyük arzusunu dilə gətirib. Lent.az-a açıqlama verən müğənni bildirib ki, övladının xoş gününü görmək onun ən böyük arzusudur: “Bir oğlum var. Hələ ki, subaydır, dükanda satıcı işləyir. Səhər işə gedib, axşam gəlir. İmkanım çatdığı qədər onu yerbəyer etmək istəyirəm. Yəqin ki, ailə qurmaq qərarını qətiləşdirsə, gəlini yaşadığım evə gətirəcəyəm. Çünki elə imkanım yoxdur ki, ayrı ev alım. Onsuz da nəyim varsa, yeganə oğlumundur. Bəzən imkansız yaşayışımdan, haqsızlıqlardan mediaya danışanda o, əsəbiləşir. Deyir ki, niyə belə danışdın? Ancaq özümdən asılı deyil. Haqsızlığa qarşı susa bilmirəm”.