Onun üçün ailəsini dağıtdı, 3 uşaqları var

Onun üçün ailəsini dağıtdı, 20 il sevgi və ehtirasla keçdi... Hədiyyəsi üç uşaq idi.
Sevgiyə və bəzən hətta evliliyə qədər uzanan set işlərindən yəqin ki, məlumatlısınız. Eyni layihədə çalışan kişilər və qadınlar bir-birinə daha da yaxınlaşır. Sonra onların arasında sevgi yaranır. Bu işgüzar dostluq sayəsində artıq çox ailələr qurulub.

Lent.az xarici KİV- ə istinadən bildirir ki, 56 yaşlı aktrisa Julia Roberts “Meksikalı” filminin çəkiliş meydançasında tanış olduğu və eşq yaşadığı Denni Moderlə evliliyində 20 ili geridə qoyub.

Üç övladı olan Roberts instaqram paylaşımı ilə xoşbəxtliyini də açıqlayıb. Pretty Woman adlı filmi ilə bir anda Hollivud ulduzuna çevrilən Roberts sosial şəbəkədəki səhifəsində Moderlə öpüşərkən çəkilmiş fotosunu paylaşıb. Robertsin postuna izləyicilərindən çoxlu təbrik mesajları və şərhlər gəlib.
Danny Moder Julia Robertslə tanış olanda Vera Steimberg ilə evli idi. Moder Robertslə tanış olduqdan qısa müddət sonra həyat yoldaşı ilə ayrırılıb və Julia Roberts ilə evlənib.
Roberts özü də həmin vaxt Benjamin Bratt ilə romantik münasibətdə idi. Model eyni zamanda Robertsin baş rolları Bred Pittlə paylaşdığı “Meksikalı” filminin çəkiliş meydançasında operator olub.

İkilinin çəkiliş meydançasındakı görüşü bir müddət sonra böyük sevgiyə çevrilib. Onların hər ikisi həyatlarında başqa insanlarla yollarını ayıraraq, 2002-ci ildə evləniblər.