"Onlar yoxkən bura yuva deyil" - Hollivud ulduzu evini niyə satdı?

Hollivud ulduzu Qvinet Peltrou Kaliforniyadakı meşə yanğınlarından zərər görməyən Brentvudda yerləşən evini, ilk tələb olunan qiymətdən 8 milyon dollar ucuz satıb.

Lent.az xarici mediaya istinadən xəbər verir ki, 2024-cü ilin iyun ayında 30 milyon dollara satışa çıxarılan malikanənin qiyməti bir neçə ay sonra 24,9 milyon dollara düşüb. Adını açıqlamayan bir alıcı daha sonra 8.000 kvadratmetrlik evi təxminən 3 milyon dollar daha ucuz alıb.

Ulduz aktyorun bu göz oxşayan evdən zərər etməsinə baxmayaraq tez bir zamanda qurtulmaq istəməsinin isə çox duyğusal bir səbəbi var.

Qızı universitetin üçüncü kursuna keçdikdən və bu il oğlu da eyni şəkildə oxumağa göndərildikdən sonra Qvinet Peltrou, bir anda bu böyük evdə tək başına qaldı.

Onlarsız yaşadığı bu evin artıq bir yuvaya bənzəmədiyini və uşaqlarının yoxluğunu qəbul etməkdə çətinlik çəkib çox üzüldüyünü deyən məşhur aktrisa artıq orada yaşamağa davam etməyin çətin olduğunu uzun müddətdir bildirirdi.