Müğənni Əlikram Bayramov həmkarı Nadir Qafarzadədən küsüb.
Lent.az-ın məlumatına görə, ifaçı bu barədə "Həmin Zaur" verilişində danışıb: "Mən oğluma toy edəndə Nadiri dəvət etdim, gəldi və yaxşı iştirak etdi. Amma özü oğluna toy edəndə məni dəvət etmədi. Bu mənə çox pis təsir etdi. Deyib ki, kimi çağırmamışamsa, ikinci oğlumu evləndirəndə çağıracam".
Ə.Bayramovun sözlərinə Nadirin də cavabı gecikməyib: "Əlikram, bağışla. Çox pis oldum. Heç bilmirəm, necə oldu ki, səni çağıra bilmədim. Heç nə olmaz, oğlum Əzizə toy edəndə hamıdan birinci səni dəvət edəcəm. Görün Əlikram necə saf insandır ki, bu sözləri dedi".
