Naxçıvanda DƏHŞƏT: 75 yaşlı qadını öldürüb quyuya atdılar - TAMAH CİNAYƏTİ

Şərur rayonunda həmkəndlisini qəsdən öldürməkdə şübhəli bilinən şəxs tutulub.

Naxçıvan Muxtar Respublikası Pokurorluğu və Muxtar Respublikanın Daxili İşlər Nazirliyinin mətbuat xidmətlərindən Lent.az-a daxil olan birgə məlumata əsasən, aprelin 22-də saat 19:20-də Şərur rayon Oğlanqala kənd sakininin öldürülərək su quyusuna atılması barədə rayon prokurorluğuna məlumat daxil olub.

Araşdırmalarla Şərur rayon Oğlanqala kənd sakini 39 yaşlı Aypara Əsgərovanın yaşadığı evdə tamah məqsədilə həmkəndlisi, 75 yaşlı Zeynəb İsmayılovanı qəsdən öldürdükdən sonra evin həyətində yerləşən su quyusuna atmasına əsaslı şübhələr müəyyən edilib.

Prokurorluq və polis əməkdaşları dərhal hadisə yerinə gələrək təxirəsalınmaz istintaq və əməliyyat-axtarış tədbirləri həyata keçiriblər. Tədbirlər nəticəsində Aypara Əsgərova polis əməkdaşları tərəfindən saxlanılaraq istintaqa təhvil verilib və prokurorluq tərəfindən şübhəli şəxs qismində tutulub

Faktla bağlı Şərur rayon prokurorluğunda Cinayət Məcəlləsinin 120.2.5-ci (tamah məqsədilə qəsdən adam öldürmə) maddəsi ilə cinayət işi başlanaraq ibtidai istintaq aparılır.

***
10:48

Naxçıvanda dəhşətli cinayət törədilib.

Lent.az-ın əldə etdiyi xəbərə görə, hadisə Şərur rayonunun Oğlanqala kəndində qeydə alınıb.

Kənd sakini, 75 yaşlı Zeynəb İsmayılova dəmir parçası ilə qətlə yetirilib.

Hadisədən sonra onun meyiti kənd ərazisindəki quyuya atılıb.

Bir gün itkin düşən qadının yaxınları onu axtarmağa başlayıblar. 75 yaşlı qadının meyiti kənd ərazisindəki quyudan tapılıb.

Polisin həyata keçirdiyi əməliyyat tədbirləri nəticəsində qətli törətməkdə şübhəli bilinən iki qadın saxlanılıb.

Saxlanılan qadınlar mərhumun həmkəndliləridir. Onlar tamah məqsədi ilə qadını öldürüb quyuya atıblar.

Faktla bağlı cinayət işi başlanıb, istintaq tədbirləri davam etdirilir.