Masallıda DƏHŞƏT: 69 yaşlı qadını baltalayaraq öldürdülər

Masallı rayonunda dəhşətli cinayət törədilib.

Lent.az xəbər verir ki, hadisə rayonun Şıxlar kəndində qeydə alınıb.

Kənd sakini, 1957-ci il təvəllüdlü Elmira Əmənovanın balta ilə qətlə yetirilmiş meyiti yaşadığı evdə aşkar edilib.

Hadisənin tamah məqsədilə törədildiyi ehtimal edilir.

Hadisə ilə bağlı polis və prokurorluq orqanları əməkdaşlarından ibarət əməliyyat-istintaq qrupu yaradılıb.

Hazırda hadisəni törədən şəxs və ya şəxslərin müəyyən edilərək tutulması istiqamətində əməliyyat tədbirləri davam etdirilir.

Hadisələr

570