“Santos”da icarə əsasında çıxış edən “Milan”ın braziliyalı futbolçusu Robinyo maraqlı açıqlaması ilə diqqət çəkib. 30 yaşlı hücumameyilli yarımmüdafiəçi yayda “Beşiktaş”dan təklif aldığını etiraf edib: “Santos”a keçməmişdən öncə bir neçə təklif almışdım. ABŞ-dan “Orlando Siti”, Türkiyədən “Beşiktaş”, Yunanıstandan “Olimpiakos” və İtaliyanın bəzi klubları xidmətimdə maraqlı idi. Ancaq heç biri ilə danışığımız baş tutmadı”.
Robinyo icarə müddəti bitdikdən sonra da karyerasını “Santos”da davam etdirmək istədiyini vurğulayıb: “Mənim istəyim burada qalmaqdır. Yaxşı oyunum və vurduğum qollarla “Santos” azarkeşlərini sevindirmək arzusundayam”.
Qeyd edək ki, karyerası ərzində Madrid “Real”ı və “Mançester Siti” klublarının da formasını geyinmiş Robinyo məhz “Santos”un yetirməsidir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
