"Trabzonspor"un keçmiş futbolçusu Didye Zokoraya qarşı irqçi ifadələr işlətdiyinə görə 2 ay 15 gün müddətinə həbs cəzası alan “Fənərbağça”nın futbolçusu Əmrə Belözoğlu apellyasiya məhkəməsinə müraciət edib. Lent.az-ın Türkiyə mətbuatına istinadən məlumatına görə, Əmrənin etirazı qəbul olunmayıb və futbolçuya verilən həbs cəzası qüvvədə qalıb.
Qeyd edək ki, məhkəmə 34 yaşlı futbolçunun adının əvvəllər bu cür hadisələrdə hallanmamasını nəzərə alaraq, cəzanın açıqlanması prosesini sonraya saxlamışdı. Əmrə cəza ilə bağlı etirazını bildirsə də, məhkəmə ona rəhm etməyib.
Xatırladaq ki, Zokora hazırda “Akhisar Bələdiyyəspor”un formasını geyinir. Bu komandanın baş məşqçisi də Trabzon klubundan gəlmiş Mustafa Rəşid Akçaydır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
