Berti Foqts: "3:0 yaxşı hesabdı, amma 4:0 əla olardı" 
15 avqust 2013 02:17 (UTC +04:00)

Berti Foqts: "3:0 yaxşı hesabdı, amma 4:0 əla olardı" 

“İlk hissədə oyunumuzdan razı qalmadım. Çünki topu tez-tez itirirdik”. Apasport.az saytının xəbərinə görə, bunu millimizin baş məşqçisi Berti Foqts deyib.

Yığmamız Malta ilə bu gün keçirdiyi yoldaşlıq görüşünü böyük hesablı qələbə ilə tərk etdi - 3:0. Oyundan sonra təşkil olunan mətbuat konfransında almaniyalı mütəxəssis bildirib ki, hesabın daha böyük olmasını istəyirmiş: “Fasilədə futbolçulara dedim ki, həyəcanlı yox, soyuqqanlı olmaq lazımdır. Onlara topu özlərində daha çox saxlamağı tapşırdım. İkinci hissədə komandanın çıxışdan razı qaldım. Ümumilikdə, komanda şəklində pis təsir bağışlamadıq. Qarşıdakı görüşlərdə nəticə qazanmaq istəyiriksə, oyunumuzu daha da yaxşılaşdırmalıyıq. 3:0 yaxşı hesabdı, amma 4:0 daha yaxşı olardı”.

# 699
avatar

Oxşar yazılar