Belarusun paytaxtı Minskdə təşkil olunan II Avropa Oyunlarının boks yarışlarında növbəti döyüşlər keçirilir.
APA-nın Minskə ezam olunmuş əməkdaşının məlumatına görə, 69 kq çəki dərəcəsində 1/8 final döyüşləri davam edir.
Azərbaycan boksçusu Lorenso Sotomayor da Oyunlarda növbəti döyüşünü keçirib. O, Bosniya və Herseqovina təmsilçisi Adem Ferhadoviçlə üz-üzə gəlib. 4:1 hesabı ilə qələbə qazanan boksçumuz 1/4 finala yüksəlib.
L.Sotomayor 1/4 finalda Patriot Behrami (Kosovo) – Vinçentso Manqiaçapre (İtaliya) cütünün qalibi ilə qarşılaşacaq. Bu döyüş iyunun 26-da baş tutacaq.
Qeyd edək ki, L.Sotomayor Avropa Oyunlarında 1/4 finala yüksələn ikinci boksçumuzdur. Ona qədər Rüfət Hüseynov (49 kq) bunu bacarıb. Daha iki boksçumuz Cavid Çələbiyev (60 kq) və Alfonso Dominqes (81 kq) 1/8 final döyüşünə çıxacaq.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
