Bakı-2015 I Avropa Oyunlarında Azərbaycan cüdoçusu Orxan Səfərov finalda gümüş medalla kifayətlənib. Apasport.az saytının məlumatına görə, Səfərov həlledici görüşdə rusiyalı Beslan Mudranovla qüvvəsini sınayıb. Avropa çempionu, dünya ikincisi olan rəqiblə görüş kifayət qədər gərgin alınıb. Orxan qarşılaşmanın başa çatmasına 17 saniyə qalmış fənd işlətmək istəyərkən, ippona düşüb və gümüş medalla kifayətlənib.
60 kq çəki dərəcəsində tatami üzərinə çıxan hər iki təmsilçimiz 1/16 finaldan azad olub. Orxan Səfərov 1/8 finalda Yan Siçardini (Monteneqro) məğlub edən Azərbaycan əsilli Arif Bağırovu (Belarus) sınağa çəkib. Görüş həmyerlimizin inamlı qələbəsi ilə başa çatıb. Cüdoçumuz 1/4 finalda isveçrəli Ludovik Çammartinlə münasibətinə aydınlıq gətirib. Rəqibinə vazari və yuko xalları ilə qalib gələn "Neftçi İdman Klubu"nun üzvü yarımfinalda ispaniyalı Fransisko Qarriqosla gücünü yoxlayıb. Cüdoçumuz bu görüşü də üstün bitirərək, finala yüksəlib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
