"Barselona" üçün şad xəbər: İnyesta qayıtdı

İspaniya çempionatının hesabat turu çərçivəsində “Valensiya” ilə qarşılaşacaq “Barselona” vacib oyun öncəsi şad xəbər alıb. Lent.az-ın məlumatına görə, kataloniyalıların aparıcı üzvü Andres İnyesta zədəsini sağaldaraq, sıraya dönüb. Qeyd edək ki, 30 yaşlı yarımmüdafiəçi təxminən 1 ay idi ki, yaşıl meydanlardan uzaq qalmışdı. Tibbi müayinədən keçdikdən sonra həkimlər İnyestanın vəziyyətinin yaxşı olduğunu bildiriblər. Əgər baş məşqçi Luis Enrike şans versə, ulduz futbolçu “Valensiya” ilə oyunda komandasına kömək edə biləcək.