Dekabrın 16-17-də Rusiya Federasiyasının paytaxtı Moskva şəhərində pauerliftinq (WRPF) üzrə dünya çempionatı keçirilib.
Fövqəladə Hallar Nazirliyindən Lent.az-a verilən xəbərə görə, çempionatda 29 ölkənin 4000-dən çox idmançısı mübarizə aparıb.Yarışda ölkəmizi təmsil edən idmançılar sırasında nazirliyin Xüsusi Riskli Xilasetmə Xidmətinin əməkdaşı Rövşən Xəlilov da olub.
75 kq çəki dərəcəsində mübarizə aparan idmançımız ümumilikdə 707.5 kq-ın (squat hərəkətində 245 kq - yeni Azərbaycan rekordu, deadlift hərəkətində 292.5 kq - yeni dünya rekordu, bench press hərəkətində isə 170 kq), iki hərəkətin cəmində isə 462,5 kq-ın (bench press + deadlift) öhdəsindən gələrək iki qızıl medala sahib olub.
Onu da qeyd edək ki, R.Xəlilov Azərbaycan çempionu və rekordçusu olmaqla yanaşı beşqat dünya çempionudur.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
