Olimpiada-2012: İspaniyanı məğlub edən tapıldı
27 iyul 2012 10:58 (UTC +04:00)

Olimpiada-2012: İspaniyanı məğlub edən tapıldı

Lent.az-ın məlumatına görə, bu gecə 4 qrupda 8 oyun keçirilib.

A qrupunda təşkilatçı Böyük Britaniya Seneqalla heç-heçə edib. Uruqvay isə BƏƏ-ni 2:1 hesabı ilə yenərək, liderliyə yüksəlib.

B qrupunda hər iki görüş heç-heçə ilə nəticələnib. Meksika – Cənubi Koreya matçında qol vurulmayıb – 0:0. Qabon – İsveçrə oyununda tərəflər hərəyə bir dəfə fərqləniblər – 1:1.

C qrupunda Braziliya Misirə 3:2, Belarus Yeni Zelandiyaya 1:0 hesabı ilə qalib gəlib.

Ən böyük sensasiya D qrupunda baş verib. Artıq dünya futbolunun hegemonuna çevrilmiş İspaniya millisi Yaponiyaya uduzub – 0:1. Honduras – Mərakeş matçı isə qollu bərabərliklə yekunlaşıb – 2:2.
# 612

Oxşar yazılar