Taksi sürücüsü qadın sərnişinin üstünə bıçaq çəkdi - FOTOLAR
04 iyul 2018 11:18 (UTC +04:00)

Taksi sürücüsü qadın sərnişinin üstünə bıçaq çəkdi - FOTOLAR

 
Bakıda qadına bıçaqla hücum edib pulunu soyan şəxslər hadisə yerindən qaçsalar da, polisdən qaça bilmədilər.
 
 
 
Daxili İşlər Nazirliyindən Lent.az-a daxil olan məlumata görə,   Suraxanı rayonu Hövsan qəsəbəsində qadına hücum edərək onun pulunu ələ keçirən şəxslər saxlanılıb. Belə ki, Bakı şəhər sakini Leyla Kazımova metronun “Əhmədli” stansiyasının yaxınlığında müştəri kimi əyləşdiyi “Mercedes” markalı avtomobilin sürücüsündən onu Hövsan qəsəbəsinə aparmağı xahiş edib. Deyilən ünvana çatdıqda sürücü və maşında olan daha bir nəfər qadına bıçaqla hədə-qorxu gələrək 30 manat pulunu ələ keçiriblər.
 
 
 
       Zərərçəkən şəxs bu barədə Suraxanı Rayon Polis İdarəsi 30-cu Polis Şöbəsinə məlumat verəndən sonra dərhal həyata keçirilən əməliyyat-axtarış tədbiri nəticəsində həmin cinayəti törətməkdə şübhəli bilinən paytaxt sakinləri Araz Qurbanov və Ehtibar Həsrətov tutulublar.
 
 
 
       Faktla  bağlı 30-cu Polis Şöbəsində toplanan materiallar araşdırılması üçün Suraxanı Rayon Polis İdarəsinə göndərilib, zəruri istintaq hərəkətləri davam etdirilir.
 
# 186
avatar

Oxşar yazılar