![Qanunsuz yolla Rusiyaya keçmək istəyən şəxs hakim qarşısında - [b]Bu tarixdə[/b]](https://lent.az/storage/news/2019/april/06/big/7528a98468b29aa78e6c12dbe53b2900.jpg)
Qusar Rayon Məhkəməsində dövlət sərhədini qanunsuz olaraq keçməkdə təqsirləndirilən Orxan Alıoğlunun cinayət işi üzrə məhkəmənin hazırlıq iclası keçirilib.
ONA-nın verdiyi xəbərə görə, hakim Rafiq Kazımovun sədrliyi ilə keçirilən prosesdə təqsirləndirilən şəxsin anket məlumatları dəqiqləşdirilib.
Məhkəmə baxışı aprelin 16-na təyin edilib.
Qeyd edək ki, bu il yanvarın 18-də Dövlət Sərhəd Xidmətinin Sərhəd Qoşunlarının "Xudat" sərhəd dəstəsinin xidməti ərazisində Qusar rayonunun Samur qəsəbəsinin ərazisindəki sərhəd zastavasının xidməti sahəsində Azərbaycandan Rusiya istiqamətində dövlət sərhədini pozmağa cəhd edərkən Şəmkir rayon sakini 1990-cı il təvəllüdlü Alıoğlu Orxan Famil oğlu sərhəd pozucusu qismində saxlanılıb.
Onun barəsində Cinayət Məcəlləsinin 318.1 (Azərbaycan Respublikasının mühafizə olunan dövlət sərhədini müəyyən edilmiş sənədlər olmadan və ya dövlət sərhədinin nəzarət-buraxılış məntəqələrindən kənarda keçmə) maddəsi ilə cinayət işi başlanıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
