Lənkəran sakini külli miqdarda narkotik satarkən saxlanıldı - FOTO
28 avqust 2019 09:00 (UTC +04:00)

Lənkəran sakini külli miqdarda narkotik satarkən saxlanıldı - FOTO

 
 
 
 
Astarada 6 kiloqrama yaxın narkotik vasitə aşkarlanaraq qanunsuz dövriyyədən çıxarılıb.
 
 
DİN Mətbuat Xidmətinin Lənkəran regional qupundan APA-nın cənub bürosuna verilən məlumata görə, Astara RPŞ əməkdaşlarının narkotiklərin qanunsuz dövriyyəsinə qarşı keçirdikləri növbəti uğurlu əməliyyat tədbiri nəticəsində Lənkəran şəhər sakini, əvvəllər məhkum olunmuş Nurəddin Muradov külli miqdarda narkotik vasitə olan tiryəki satarkən cinayət başında saxlanılıb. 
 
Astara şəhəri Həzi Aslanov küçəsində saxlanılan N.Muradovun əlindəki sellafon torbadan 6 ədəd bağlamada ümumi çəkisi 5 kiloqram 930 qram narkotik vasitə olan tiryək aşkarlanaraq götürülüb. Saxlanılan Nurəddin Muradov İran İslam Respublikasının vətəndaşı olan Səyavuş adlı bir şəxslə 2 ildir ki, tanış olduğunu və narkotik vasitəni də ondan əldə etdiyini bildirib. 
 
Faktla bağlı Astara RPŞ-də Cinayət Məcəlləsinin müvafiq maddələri ilə cinayət işi başlanılıb, araşdırma aparılır.
# 404
avatar

Oxşar yazılar