Keçmiş arvadını intim videoları ilə şantaj etdi -<span style="color:red;"> BAKIDA İYRƏNC HADİSƏ
09 aprel 2019 17:08 (UTC +04:00)

Keçmiş arvadını intim videoları ilə şantaj etdi - BAKIDA İYRƏNC HADİSƏ

Sosial şəbəkələrdə tanış olduğu qızları fahişəliyə cəlb etməkdə və hədə-qorxu gəlməkdə təqsirləndirilən Faiz Bastrakovun cinayət işi məhkəmə prosesi başlayıb.
 
Lent.az-ın məlumatına görə,  Bakı Ağır Cinayətlər Məhkəməsində hakim Mirzə Xankişiyevin sədrliyi ilə keçirilən prosesdə X.D (ad şərtidir) zərərçəkmiş şəxs qismində dindirilib. 
 
O bildirib ki, iş axtaran zaman bir elanla tanış olub: "Feysbukda elan gördüm. İş üçün müraciət etdim.Yazışmamış yalnız feysbuk üzərində oldu. Məndən yaşımı soruşdu. 20 yaşımın olduğumu dedim. Şəklimi istədi, qəribə gəldi. Çünki normalda iş götürən şəxslər CV istəyir.  Başladı ki, həftədə 175 manat verəcək. Danışığında çox qəribə şeylər vardı.  Hiss etdim ki, bunun məqsədi başqadır. Mənə tərbiyəsiz təklif etdi, əsəbiləşdim, onu söydüm və dərhal bloka atdım".
 
Zərərçəkən deyib ki, bir müddət sonra bu şəxslə bağlı sosial şəbəkələrdə xoş olmayan paylaşımlar görüb:  "Yazılmışdı ki, iş adı ilə qızlara tərbiyəsiz təkliflər edib. Bir neçə ay sonra polisə dəvət olundum. Orada bu adamın əməllərindən danışdım".
 
Ə.C (ad şərtidir)  şahid qismində dindirilən zaman qeyd edib ki, təqsirləndirilən şəxsin keçmiş qayınatasıdır.  "Bu adam mənim qızımı incidirdi, döyürdü. Boşandılar. Bir müddət keçəndən sonra qızımı şantaj etməyə başladı.  Qızımın çılpaq şəkillərini, intim videolarını sosial şəbəkələrdə yayacağını dedi. Qızıma deyirdi ki, atana denən evi satıb 20 min manat versin, əks halda şəkilləri və videoları yayacağı ilə hədələyirdi.  Şikayət etmək məcburiyyətində qaldıq. Qızımın yaxınlarına videoları və şəkilləri göndərmişdi. Məqsədi qızımı biabir etməkdi. Ata-anasına dəfələrlə demişdim. Onlar da onun bu əlindən bezmişdi".
 
Qeyd edək ki,  Faiz Bastrakov feysbuk sosial şəbəkəsində insanlara hədə-qorxu gələrək pul tələb edərək qızları fahişəliyə cəlb etməkdə təqsirli bilinib və ötən il dekabrın əvvəlində Bakı şəhər Baş Polis İdarəsinin əməkdaşları tərəfindən yaxalanıb.
 
Müəyyən edilib ki, Faiz Bastrakov guya işə götürən şəxs adından sosial şəbəkədə elan verib, qızlara sərfəli iş və yaxşı maaş təklif edib. Elandakı bütün bu yönəltmələr adi bir tələ yemi olub.
 
Faiz Bastrakov sadəcə, qızları və qadınları iş haqda "söhbət" adı ilə aldadıb, tora salıb və onları nikahsız birgə yaşayışa sövq etməyə çalışıb.
 
O, qızlar və qadınların bəzilərini feysbukda, bəzilərini telefonda, bəzilərini isə real həyatda danışdırıb, onlar şantaj edib.
 
Bundan başqa, Faiz Bastrakov bəzi qadınları güclü ruhi həyəcan təsiri altına düşməklə döyüb, onlara müxtəlif dərəcəli bədən xəsarətləri yetirib.
 
Faiz Bastrakov Cinayət Məcəlləsinin 129-cu (qəflətən baş vermiş güclü ruhi həyəcan vəziyyətində qəsdən sağlamlığa ağır və ya az ağır zərər vurma), 182.2.4-cü (zərərçəkmiş şəxsə hədə-qorxu gəlməklə xeyli miqdarda ziyan vurma) və 306.1-ci (qanuni qüvvəyə minmiş məhkəmə qətnaməsini, hökmünü, qərardadını, qərarını və ya əmrini qərəzli olaraq icra etməmə və ya həmin məhkəmə aktlarının icrasına maneçilik törətmə) maddəsi ilə ittiham elan edilir.
1 2 3 4 5 İDMAN XƏBƏRLƏRİ
# 2173
avatar

Səlcuq Elçin

Oxşar yazılar