Salyan rayonunda zəncirvari yol-nəqliyyat hadisəsi qeydə alınıb.
Lent.az APA-ya istinadən xəbər verir ki, hadisə Ələt–Astara magistral yolunun Salyan rayonunun ərazisindən keçən hissəsində baş verib. İlkin məlumata əsasən, iki “Ford” markalı minik avtomobili və bir yük avtomobilinin iştirakı ilə zəncirvari qəza olub. Nəticədə beş nəfər xəsarət alaraq Salyan xəstəxanasına çatdırılıb.
Salyan Rayon Mərkəzi Xəstəxanasının yaydığı məlumata görə isə yol-nəqliyyat hadisəsi nəticəsində xəsarət alan yeddi nəfər — bir qadın və altı kişi yanvarın 24-də saat 22:50 radələrində Təcili tibbi yardım şöbəsinə hospitalizasiya olunub.
Müxtəlif bədən xəsarətləri alan pasiyentlərə zəruri tibbi yardım göstərilib. Hazırda onların müalicəsi davam etdirilir, vəziyyətləri stabildir.
Faktla bağlı araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
