Raketi buraxılış zamanı ildırım vurdu - VİDEO

Nadir hallarda baş verən hadisəyə baxmayaraq, uçuş planlaşdırıldığı kimi davam edib və avadanlığa zərər dəyməyib.

Çindəki Seçan peyk buraxılış mərkəzindən "Çançjen - 3B" raketinin buraxılışı zamanı ildırım vurub.

Lent.az-ın xarici mediaya istinadən məlumatına görə, hadisəyə baxmayaraq, ilkin məlumatlara görə, avadanlıqlara zərər dəyməyib.

Raketin uçuşunun 35-ci saniyəsində ildırımın düşdüyü məlumdur. İldırım əsas qoruyucuya dəyib və gücləndirici və mühərrikin işlənmiş qazlarından keçərək yerə düşüb. Kosmik gəminin avadanlığı zədələnməyib, çünki bu cür hadisələrdən qorunub.

Oxşar hadisələr əvvəllər Saturn V və Soyuz-2 raketləri ilə də baş verib, lakin o zaman da avadanlıqlara zərər dəyməyib və ya uçuşun pozulmasına səbəb olmayıb.

Çinin "Çançjen - 3B" raket daşıyıcısı peykləri geostasionar orbitə çıxarmaq üçün istifadə edilən əsas orta sinif raketlərindən biridir.