Telman İsmayılovun mühafizəçilərinə cinayət işi açıldı

Azərbaycan əsilli iş adamı Telman İsmayılovun mühafizəçilərinə cinayət işi açılıb. Lent.az-ın “RİA Novosti” agentliyinə istinadən verdiyi məlumata görə, hadisə noyabrın 24-də Moskvada baş verib.

“Lexus” avtomobilinin sürücüsü Telman İsmayılovu müşayiət edən avtomobillərə yol verməyib. Mühafizəçilər isə “Lexus”un sürücüsü Aleksey Smirnovu döyüblər, maşına da bir neçə zərbə endiriblər.

Yalnız yoldan keçən bir neçə avtomobil sürücüsü Aleksey Smirnovun müdafiəsinə qalxmasından sonra Telman İsmayılovun mühafizəçiləri ondan əl çəkiblər.

Cinayət işi “məqsədli şəkildə mülkiyyəti məhv etmək, mülkiyyətə ziyan vurmaq” maddəsi ilə açılıb. Bu, 2 il azadlıqdan məhrum etmə cəzasını nəzərdə tutur.

“RİA Novosti” yazır ki, hüquq-mühafizə orqanlarındakı mənbə həmin vaxt maşında Telman İsmayılov yox, onun oğlu olduğunu bildirib. Ancaq hələ bununla bağlı rəsmi məlumat yoxdur.