Xasavyurtda xüsusi əməliyyat: 4 silahlı öldürülüb - YENİLƏNİB

Dağıstanda xüsusi əməliyyat zamanı 4 silahlı öldürülüb.

Lent.az-ın “İnterfaks”sa istinadən məlumatına görə, əməliyyat Xasavyurt şəhərinin Svoboda qəsəbəsində həyata keçirilib. Fərdi evi mühasirəyə alan xüsusi təyinatlılar silahlıları təslim olmağa çağırıb.

İlkin məlumata əsasən, əməliyyat zamanı xüsusi təyinatlılara müqavimət göstərmiş 2 kişi və 2 qadın öldürülüb. Evdə olan iki uşağın xilas olunduğu bildirilir.

Məlumata görə, öldürülən qadınlardan biri terror aktları törətməkdə şübhəli bilinərək axtarışda olub və əməliyyat zamanı özünü partlatmağa çalışıb.