Valeri Permyakovun işinə Gümrüdə baxılacaq

Fərarilikdə və silah oğurlanmasında ittiham olunan rusiyalı hərbçi Valeri Permyakovun işinə Rusiyanın Gümrüdəki qarnizon hərbi məhkəməsində baxılacaq.

APA-nın “RİA Novosti”yə istinadən verdiyi xəbərə görə, 6 nəfərlik erməni ailəsinin qətli barədə cinayət işinə Ermənistan məhkəməsində baxılacaq, Rusiya hüquq-mühafizə orqanları isə Permyakova qarşı fərarilik və silah oğurluğu ittihamı irəli sürüb.

Bundan əvvəl məhkəmə Permyakov barəsində həbs-qətimkan tədbirinin 2016-cı ilin yanvarın 30-dək uzadıb.