Ukraynanın baş prokuroru Vitali Yarema istefa ərizəsi yazıb.
APA-nın xəbərinə görə, bu barədə “Ukrainskaya pravda” qəzeti məlumat yayıb. Ali Radanın deputatı Yelena Şkrum informasiyanı təsdiqləyib: “Gecikmiş addım olmasına baxmayaraq, bu, güclü insanın ata biləcəyi bir addımdır. İndi prezidentin qərarını gözləyirik”.
Ali Radanın digər üzvü Yeqor Sobolev isə prezidentin artıq istefanı qəbul etdiyini bildirib.
Qeyd edək ki, V. Yarema Ali Radanın üzvləri tərəfindən qeyri-effektiv fəaliyyətdə ittiham olunurdu. Xüsusən ötən ilin Maydan hadisələri zamanı nümayişçilərin öldürülməsi ilə əlaqədar cinayət işlərində irəliləyiş olmaması V. Yaremaya olan etimadın azalmasına gətirib çıxarıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
