Ukraynanın Xarici İşlər Nazirliyi Rusiyaya etiraz notası təqdim edib. Lent.az-ın «LİQABiznesİnform»-a istinadən məlumatına görə, həmin sənəddə rəsmi Kiyev Moskvadan Qara dənizdəki Rusiya Silahlı Qüvvələrinin hərbi bazadan kənara çıxmamasını təsdiqləməsini istəyib.
Ukrayna XİN-in informasiya siyasəti departamentinin direktoru Yevgeni Perebiynis keçirdiyi brifinqdə bu haqda açıqlama verib.
Onun sözlərinə görə, hazırda Rusiya Krımda 3600-ə yaxın hərbçinin yerləşdirildiyi faktını gizlədir.