Türkiyənin Quru Qoşunları komandanı general Hülusi Akar Suriyadakı Süleyman Şah türbəsinin qorunması ilə bağlı hərbi gücün artırılmasında "fövqəladə bir vəziyyətin” olmadığını deyib.
Lent.az-ın Habertürk-ə istinadən məlumatına görə, generalın sözlərinə əsasən bu “planlı bir fəaliyyətdir ”.
Akar Türkiyə Böyük Millət Məclisi açılışının 94-cü ildönümünə həsr olunan mərasimdə jurnalistlərin Süleyman Şah türbəsinin qorunması ilə bağlı suallarını cavablandırıb.
General məsələ ilə bağlı baş nazir Rəcəb Tayyib Ərdoğan və xarici işlər naziri Əhməd Davudoğlunun lazımlı şərhləri verdiyini və əlavə bir fikri olmadığını söyləyib.
"Bu, müntəzəm bir proqram daxilində fəaliyyət sayıla bilərmi" sualına cavabında Akar deyib: "Xeyr, xeyr, yox".
"Bunu fövqəladə bir hal olaraq, qəbul edəkmi" sualına cavab verən general bildirib: "Xeyr , etməyin. Suriya daxilində üzərimizə düşən vəzifəni ən təsirli şəkildə gerçəkləşdirməyə çalışırıq. Fəaliyyətimiz planlıdır, onun xaricində yeni heç nə yoxdur»
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
