Təyyarənin şassisindən yeniyetmənin cəsədi aşkarlanıb

Norveçdən Hollandiyanın Amsterdam şəhər hava limanına uçan təyyarənin şassisində yeniyetmənin cəsədi aşkarlanıb.

Lent.az-ın “nyusru”-ya istinadən məlumatına görə, təyyarə Hollandiyanın “KLM” hava şirkətinə məxsusudur.

Sxipol hava limanının sərhəd xidməti bildirib ki, ölənin təxminən 17-yə yaxın yaşı var. O, hündür boylu, qamətli və açıq saçlıdır.

Məlumata əsasən, o, soyuqdan və oksigen çatışmazlığından ölüb.

Norveç hakimiyyəti bildirib ki, çox güman o, Oslodan olan 17 yaşlı yeniyetmədir. Çünki bu yaxınlarda valideynləri həmin əlamətli oğlanın itməsi ilə bağlı polisə müraciət edib.

Mənbə xatırladıb ki, bu ilin aprelində ABŞ Federal Təhqiqat Bürosu 16 yaşlı oğlanın təyyarənin şassisində Kaliforniyadan Havay adalarına uçması haqda məlumat vermişdi. Evdən qaçaq bu yeniyetmə 11 km hündürlükdən uçub. Havaya çatandan sonra o, təyyarəni sərbəst şəkildə tərk etməyə cəhd göstərəndə polislər tərəfindən saxlanılıb.

Uçarkən soyuqdan və oksigen çatışmazlığından əziyyət çəksə də, həkimlərin apardığı yoxlama zamanı onun sağlıq durumunun normada olduğu bildirilib.