İstanbulda Tacikistan müxalifətinin lideri Umarəli Kuvvatov qətlə yetirilib. APA-nın “Sabah” qəzetinə istinadən verdiyi xəbərə görə, insident İstanbulun Fatih rayonunda, Umarəli Kuvvatov həyat yoldaşı və uşaqları ilə birgə xəstəxanaya gedərkən baş verib.
Məlumata görə, hadisədən əvvəl Kuvvatovun tanışlarından biri evinə qonaq gəlib. Qonaq getdikdən sonra Kuvvatovun və ailə üzvlərinin səhhətində problem yaranıb.
Bundan sonra Umarəli Kuvvatov həyat yoldaşı və uşaqları ilə birgə xəstəxanaya getməyə qərar verib. Xəstəxanaya gedərkən naməlum şəxs Umarəli Kuvvatova yaxınlaşıb və tapançanı onun başına tuşlayaraq atəş açıb.
Məlumata görə, hadisədən əvvəl müxalifətçinin evində qonaq olmuş şəxs artıq polis tərəfindən saxlanılıb. Məhz onun Kuvvatovun evində olarkən yeməyə zəhər qatdığı ehtimal olunur.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
