Suriyada hökumət əleyhinə çıxış edən qüvvələrin nümayəndələrinin iştirakı ilə Səudiyyə Ərəbistanın paytaxtı Ər Riyadda keçirilən konfransın yekununda Danışıqlar üzrə Ali Komitə yaradılıb. APA-nın “Gazeta.ru”ya istinadən verdiyi xəbərə görə, bu barədə “The Washington Post” məlumat yayıb.
Məlumata görə, quruma 32 nəfər daxil olub, onlardan 10-u silahlı qruplaşmaları, 9-u İstanbulda fəaliyyət göstərən Müxalifət və İnqilabi Qüvvələrin Milli Koalisiyasını təmsil edir. Daha 8 nəfər müstəqil xadimdir, 5 nəfər isə Milli Koordinasiya Komitəsini təmsil edir.
Qeyd edək ki, Danışıqlar üzrə Ali Komitənin tərkibinə həmçinin silahlı qruplaşmalardan cənub və şimal cəbhələrdə vuruşan dəstələrin nümayəndələri, “Əhrar Əş-Şam” və “Ceyş Əl-İslam” radikal silahlı qruplaşmalardan isə müvafiq olaraq hər birindən bir nümayəndə daxil edilib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
