Suriya XİN rəhbəri Valid Muallem ABŞ-a “İslam Dövləti” qruplaşması ilə mübarizədə yardım təklif edib
Lent.az xəbər verir ki, APA-nın “BBC”-yə istinadən yaydığı məlumata əsasən, Muallemin bildirib ki, “İslam Dövləti” ilə mübarizədə beynəlxalq koalisiyanın mərkəzi məhz Suriyadır.
ABŞ, Böyük Britaniya, Kanada və bir neçə ölkədə bu qruplaşma terrorçu təşkilat kimi tanınır.
Qeyd edək ki, ABŞ terrorçuların İraqdakı mövqelərinə artıq bir neçə zərbə endirib və gələcəkdə bu cür zərbələrin “İslam Dövləti”nin Suriyadakı mövqelərinə də endirmək niyyətində olduğunu elan edib. Muallem qeyd edib ki, Suriya ərazisində bu cür əməliyyatların keçirilməsi Suriya rəhbərliyi ilə razılaşdırılmalıdır: “Əks təqdirdə istənilən addım təcavüz kimi qiymətləndiriləcək”.
Qeyd edək ki, Muallemin bu bəyanatı Bəşər Əsəd hakimiyyətinin nümayəndəsinin “İslam Dövləti” problemi üzrə ilk şərhidir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
