Sidnyedə girovlar azad edildi: 2 ölü, 5 yaralı

Avstraliyanın Sidney şəhərində "Lindt" kafesində girovların azad edilməsi zamanı 2 nəfər ölüb, azı 5 nəfər xəsarət alıb.

APA-nın İTAR-TASS agentliyinə istinadən verdiyi xəbərə görə, polis əməliyyatın başa çatdığını bəyan edib.

Əməliyyat girovların götürülməsindən 17 saat sonra başlayıb. Yerli KİV-lərin məlumatına əsasən, cinayəti Avstraliyaya 1996-ci ildə qaçqın qismində gələn 49 yaşlı İran mənşəli Men Haron Monis törədib. Qeyri-rəsmi məlumatlara görə, əməliyyat zamanı onun öldürüldüyü bildirilir.