Sergey Lavrov Madriddə Ketrin Eştonla görüşüb

Rusiya xarici işlər naziri Sergey Lavrov Madriddə Avropa Birliyinin xarici məsələlər üzrə ali komissarı Ketrin Eştonla görüşüb.

APA-nın Rusiya XİN-in mətbuat xidmətinə istinadən verdiyi məlumata görə, görüşdə tərəflər Ukraynadakı hadisələri müzakirə edib.

S.Lavrov K.Eştonun diqqətini Rusiya prezidentinin martın 4-də keçirdiyi brifinqdə səsləndirdiyi bəyanatlara yönəldib. O qeyd edib ki, Ukraynadakı vəziyyətin normallaşması 21 fevral razılaşmasına əsaslanmalıdır. Buraya ölkənin bütün bölgələrinin maraqlarını nəzərə alan konstitusiya islahatlarının həyata keçirilməsi, milli birlik hökumətinin formalaşdırılması, qeyri-qanuni hərbi birləşmələrin tərksilah edilməsi və onların küçələrdən uzaqlaşdırılması kimi məsələlər daxildir.