Rusiyayönlülər ATƏT təmsilçilərini saxladıqlarını təsdiqləyib

Ukraynanın Daxili İşlər Nazirliyi bildirib ki, ATƏT-in 7 təmsilçisini aparan avtobus Dontskin Slavyansk şəhərinin girişində saxlanılıb.

Lent.az-ın “BBC”-yə istinadən məlumatına görə, avtobusda 13 nəfər olub - onların 7-si ATƏT-in nümayəndəsi, 5-i Ukrayna Silahlı Qüvvələrinin təmsilçisi, biri isə sürücü.

Slavyansk şəhərinin qondarma xalq meri Vyaçeslav Ponomaryovun sözlərinə əsasən, onlar hazırda “şəhər Təhlükəsizlik Xidmətinin binasındadır” və yoxlanılırlar.

Bir müddət öncə Almaniya Müdafiə Nazirliyinin təmsilçisi bildirmişdi ki, ATƏT-in qrupu ilə əlaqə kəsilib. ATƏT-in müşahidəçilər missiyası Çexiya, Polşa, İsveç və Danimarka vətəndaşlarından ibarətdir.