Putinlə Poroşenko atəşkəslə bağlı birgə fəaliyyət göstərəcək

“Rusiya və Ukrayna prezidentləri Ukraynanın şərqində Kiyevlə separatçılar arasında qarşılıqlı atəşkəslə bağlı birgə işləməyi razılaşdırıb”.

Lent.az-ın “BBC”-yə istinadən məlumatına görə, bu açıqlamanı Fransa prezidenti Fransua Olland verib.

Mənbə bildirib ki, iyunun 30-da Ukrayna prezidenti Pyotr Poroşenko, Rusiya prezidenti Vladimir Putin, Almaniya kansleri Angela Merkel və Fransa prezidenti Fransua Olland arasında Ukraynadakı vəziyyətlə bağlı telefon danışığı olub.

Tərəflər ATƏT-in vasitəçiliyi ilə rəsmi Kiyev və Ukraynanın şərqindəki separatçılar arasında məsləhətləşmənin üçüncü mərhələsinin təşkil olunmasına dair razılığa gəliblər.