İran 10 il müddətinə özünün nüvə proqramını dondurmalıdır.
APA-nın məlumatına görə, "Reuters" agentliyinə müsahibəsində ABŞ prezidenti Barak Obama bildirib ki, məhz bu halda yekun razılaşma əldə oluna bilər.
Obama həmçinin Konqresi İrana qarşı əlavə sanksiyaların tətbiqi ilə bağlı təkliflərdən imtina etməyə çağırıb. “Bu bütün diplomatik nailiyyətləri poza bilər”, deyə ABŞ lideri bildirib.
Obama etiraf edib ki, onun adıçəkilən məsələyə dair mövqeyi İsrail baş naziri Benyamin Netanyahunun fikirləri ilə üst-üstə düşmür. Məlum olduğu kimi, B. Netanyahu rəsmi Vaşinqtonla Tehran arasında hər hansı razılaşmanın qəti əleyhdarıdır.
İsrailin baş naziri martın 3-də ABŞ Konqresinin nümayəndələr palatası və Senat üzvləri qarşısında çıxış edəcək. Xatırladaq ki, B. Netanyahunu Konqresə nümayəndələr palatasının spikeri Con Beyner dəvət edib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
