Nazir: Türkiyədə yerin altında qalan 18 şaxtaçılardan heç bir məlumat yoxdur
29 oktyabr 2014 00:47 (UTC +04:00)

Nazir: Türkiyədə yerin altında qalan 18 şaxtaçılardan heç bir məlumat yoxdur

Qəza nəticəsində su altında qalmış şaxtada 18 fəhlə var, onların taleyi barədə heç bir məlumat yoxdur.  Lent.az-ın APA-ya istinadən verdiyi məlumata görə, bu barədə faciənin baş verdiyi Karaman əyalətinə gəlmiş Türkiyənin energetika və təbii sərvətlər naziri Taner Yıldız deyib.

 

İlkin məlumata görə, ötən gün Karaman əyaləti, Ermenek şəhəri yaxınlığında yerləşən kömür mədənində uçqun baş verib. Qəza nəticəsində su borusu zədələnib, nəticədə  şaxtanın 50 m hissəsi su altında qalıb. Hadisə zamanı şaxtada 40-dək fəhlə olub, onların əksəriyyəti xilas oluna bilib.

 

“Vaxt bizim əleyhimizə işləyir, çünki suyun səviyyəsi sürətlə artır. Suyu hələlik yalnız 1 nasos sovurur, hazırda ikinci nasos quraşdırılır”, deyə nazir bildirib.  

 

 Qeyd edək ki, qəza 375 metr dərinlikdə baş verib. Xilasedicilər yerin altında qalan fəhlələrin şaxtanın təhlükəsiz bölmələrinə sığındığına ümid edir. Xilasetmə əməliyyatın bir neçə gün davam etdiriləcəyi ehtimal olunur. Şaxtaya xilasedici-dalğıcları da cəlb etmək planlaşdırılır.   

 

Hadisə ilə bağlı prokurorluq araşdırmalara başlayıb. 

# 842
avatar

Oxşar yazılar