NATO Rusiya sərhədi yaxınlığında iri baza yaradacaq

NATO şərq cinahda, Rusiya sərhədi yaxınlığında iri baza yaratmağı planlaşdırır.

Lent.az-ın “İTAR-TASS”-a istinadən məlumatına görə, bu haqda alyansın Avropadakı Birləşmiş Silahlı Qüvvələr baş komandanı general Filipp Bridlava bildirib: “Baza məntəqəsinin yaradılacağı müzakirə edilir. Onun Baltik dənizi sahilində, Polşanın Şetsin şəhər-limanında yerləşəcəyi mümkündür”.

Bridlav onu da qeyd edib ki, həmin bazada silah, sursat və ərzağın saxlanılması planlaşdırılıb. NATO-nun yaxın günlərdə Britaniyada keçiriləcək sammitində bu məsələnin müzakirə ediləcəyi ehtimal edilir.