Krım tatarlarının lideri ilə görüşənlər cərimələnir

Bu ilin mayında Krım Muxtar Respublikası ilə Ukrayna sərhədində Krım türklərinin lideri Mustafa Cəmilevlə görüşən tatarlar cərimələnir.

Lent.az-ın “nyusru”-ya istinadən məlumatına görə, bu haqda Kiyevdə keçirdiyi mətbuat konfransında Krım Tatar məclisinin sədri Refat Çubarov xəbər verib.

“Krımın inzibati sərhədi ilə Ukrayna ərazi arasında bu il mayın 3-də Mustafa Cəmilevlə görüşmüş yüzə yaxın adam məhkəmə məsuliyyətinə cəlb edilib. Onlar bir milyon rubladək cərimələnib” - deyə, R.Çuburov bildirib.

Xatırladaq ki, Krımı işğal edəndən sonra Rusiya oradakı türklərin (tatarları) liderləri Mustafa Cəmilev və Refat Çubarovun yarımadaya girişini 5 il yasaqlayıb. Bundan başqa ictimai fəal tatarlar Moskvanın təyin etdiyi hakimiyyət təmsilçiləri tərəfindən çeşidli təzyiqlərə məruz qalır.