Konsert zamanı ildırım 33 nəfəri vurdu

Almaniyanın Mendiq şəhərində keçirilən Rock am Ring rok festival zamanı baş vermiş iki ildırım zərbəsi nəticəsində 33 nəfər xəsarət alıb. APA-nın “Assoşieyted Press”ə istinadən verdiyi xəbərə görə, birinci ildırım zərbəsindən sonra təşkilatçılar komandasından 8 nəfər xəsarət alıb. Təşkilatçılar tamaşaçılara müvəqqəti quraşdırılmış xüsusi çadıra keçməyi təklif etdikdə ikinci ildırım zərbəsi baş verib. Bu dəfə 25 nəfər xəsarət alıb.

Xəsarət alanların hamısı xəstəxanalara yerləşdirilib, onların vəziyyəti qənaətbəxş hesab olunur.

Festival işini davam etdirir.