Kerridən 4 tərəfli birbaşa danışıq təklifi

ABŞ-ın dövlət katibi Con Kerri rusiyalı həmkarı Sergey Lavrovla telefonla Ukraynadakı vəziyyətdən danışıb.

Lent.az-ın “RİA Novosti”-ya istinadən məlumatına görə, Dövlət Departamentinin təmsilçisi Cen Psaki Vaşinqtonda bu haqda jurnalistlərə açıqlamasında bildirib.

Con Kerri Lavrova 10 gün ərzində ABŞ, Avropa Birliyi, Ukrayna və Rusiyanın iştirakı ilə birbaşa danışıqlara başlamağı təklif edib.

Kerr ionu da bildirib ki, Ukraynada vəziyyəti qarışdırmaq üçün Rusiyanın yeni cəhdləri Moskvaya yeni xərclər bahasına başa gələcək.

“Onlar gərginliyi azaldılmasının təmin olunması üçün 10 gün ərzində ABŞ, Avropa Birliyi, Ukrayna və Rusiyanın iştirakı ilə birbaşa danışıqlara başlamağı müzakirə ediblər” -deyə, Psaki bildirib.