Kerri Rusiyanı separatçıları silahlandırmaqda günahlandırdı

ABŞ Dövlət Departamentinin rəhbəri Con Kerri Rusiya tərəfini Ukraynanın cənub-şərqindəki separatçıları silahla təchiz etməkdə ittiham edib. APA-nın “RİA Novosti”-yə istinadən verdiyi xəbərə görə, Con Kerri qeyd edib ki, sentyabrın 5-dən, yəni atəşkəs haqqında Minsk razılaşmasının imzalandığı andan bu vaxtadək Rusiya Ukraynadakı separatçılara birbaşa yüzlərlə tank, zirehli texnika, ağır artilleriya göndərib. Rusiya hərbçiləri əvvəlki kimi ölkənin şərqində əməliyyatlarda iştirak edir, idarə və nəzarət etməkdə separatçılara yardım edirlər”, deyə dövlət katibi qeyd edib.