İsraildə “fahişələrin yürüşü” keçirilib

Mayın 30-da İsralin nəzarəti altında olan Qüdsdə “Fahişələrin yürüşü” növbəti etiraz aksiyası keçirilib.

Lent.az-ın “nyusru”-ya istinadən məlumatına görə, tədbirdə onlarla insan iştirak edib. Mənbə xatırladıb ki, bu aksiya üçüncü ildir ardıca olaraq, keçirilir.

Yürüşçülər «cinsi zorakılığa» qarşı şüarlar söyləyib və zorlama qurbanlarının məsuliyyətə cəlb edilməsinin ləğvini istəyiblər.

Xatırladaq ki, mayın 9-da İsrailin paytaxtı Təl-Əvivdə bu tələblərlə aksiya keçirilib.

Ötən ildən fərqli olaraq, Təl-Əvivdə keçirilən aksiyada iştirakçıların bəzisi çılpaq və yarıçılpaq halda yürüşə qatılaraq, yoldan keçənlərin diqqətini cəlb etməyə çalışıb. Qüdsdə keçirilən tədbirdə isə onlar belə radikal addım atmayıb.

“Fahişələrin yürüşü” adlı aksiya ilk dəfə olaraq, 2011-ci ildə keçirilib. Buna səbəb Toronto polis zabitinin York universitetindəki çıxışı olub. Onda Tələbələr qarşısında çıxış edən zabit demişdi: “Siz fahişələr kimi geyinməsəniz, heç kim sizə ilişməz”.

Bir müddət sonra işlətdiyi ifadəyə görə o, universitetə yazılı üzrxahlıq məktubu da göndəribmiş.

“Yürüş”-ün təşkilatçıları bildirib ki, qadınların istədiklərini geyinmək haqqı var: “Biz xoşumuza gələni geyinir, özümüzü necə lazım biliriksə, o cür də aparırıq”.