İrlandiyanın paytaxtı Dublinin cənubunda baş vermiş güclü yanğın nəticəsində bir neçəsi uşaq olmaqla 9 nəfər ölüb. APA-nın “RİA Novosti”yə istinadən verdiyi xəbərə görə, yanğın onlarla insanın yaşadığı “Irish Traveller Movement” təşkilatının yerləşdiyi binasında baş verib.
Hadisə yerinə 6 yanğınsöndürmə briqadası, xilasedicilər və həkimlər cəlb edilib. Xəsarət almış və tüstüdən zəhərlənmiş bir neçə şəxs xəstəxanalara aparılıb.
Yanğının baş vermə səbəbləri araşdırılır.