İranda “Charlie Hebdo”-nu dəstəkləyən qəzet bağlandı

İran hakimiyyəti “Charlie Hebdo”-nu dəstəkləyən qəzetin bağlanmasına dair göstəriş verib. APA-nın “BBC”-yə istinadən verdiyi xəbərə görə, buna səbəb müxalifət yönümlü “Mardom-e Emruz” qəzetində Fransa nəşrinə dəstək bildirən “Mən Çarliyəm” nişanı taxmış tanınmış aktyor Corc Kluninin şəklinin dərc edilməsi olub.

Qəzetin bağlanması haqqında məhkəmə qərarında amerikalı kinoaktyorun şəkli ədəbsiz adlandırılıb.

“Charlie Hebdo” nəşrində Məhəmməd peyğəmbərin karikaturalarının dərc edilməsi İranda böyük narazılıq doğurub.