Martın 14-də Azərbaycan, Türkiyə və İran xarici işlər nazirləri 2014-2016-cı illərdə üçtərəfli əməkdaşlıq proqramını müzakirə edib.
Lent.az-ın İran KİV-ə istinadən məlumatına görə, görüş Türkiyənin Van şəhərində keçirilib.
GÖrüşdən sonra nazirlər jurnalistlərin suallarına cavab verib.
Türkiyənin xarici işlər naziri Əhməd Davudoğlu danışıqlar zamanı üç ölkə arasında əməkdaşlıq, habelə regional, o cümlədən Ukraynadakı vəziyyəti müzakirə etdiklərini söyləyib.
İranın xarici işlə naziri Məhəmməcavad Zərif isə öz növbəsində bildirib ki, energetika, telekommnuikasiya və turizm sahələri ilə bağlı məsələləri də müzakirə ediblər. O, qeyd edib ki, İran prezidenti Həsən Ruhaninin yaxın zamanlarda Türkiyəyə səfər planlaşdırılıb.